എല്ലാ വർഷവും ഏപ്രിൽ രണ്ടിന് ലോക ഓട്ടിസം അവബോധ ദിനം ആചരിക്കുന്നു. ഓട്ടിസം എന്ന ഒരു അവസ്ഥയെ സംബന്ധിച്ച അവബോധവും അതിനെതിരെ പോരാടുന്ന വ്യക്തികളോടുള്ള ഐക്യദാർഢ്യവുമാണ് ഈ ദിനം ആചരിക്കുന്നതിന്റെ ലക്ഷ്യം. ഈ ദിവസം, ലോകമെമ്പാടുമുള്ള ഓട്ടിസ്റ്റിക് ഗ്രൂപ്പുകൾ ഗവേഷണം, രോഗനിർണയം, ചികിത്സ എന്നിവ ഉൾപ്പെടെ വിവിധ തരത്തിൽ ഓട്ടിസം ബാധിച്ചവരുടെ ജീവിതം മെച്ചപ്പെടുത്താനുള്ള പ്രവർത്തനങ്ങളിൽ പങ്കാളികളാകുന്നു. വേൾഡ് ഹെൽത്ത് ഓർഗനൈസേഷന്റെ അഭിപ്രായത്തിൽ, മസ്തിഷ്ക വികാസത്തെ ബാധിക്കുന്ന ഒരു സ്പെക്ട്രം ഡിസോർഡേഴ്സിന്റെ ഭാഗമാണ് ഓട്ടിസം. അത് പലതരം ലക്ഷണങ്ങളാൽ പ്രകടമാണ്. ഉറക്കമില്ലായ്മ, സ്വയം മുറിവേൽപ്പിക്കുക തുടങ്ങിയ ഗുരുതരമായ പെരുമാറ്റങ്ങൾക്ക് പുറമേ, ഓട്ടിസം ഉള്ള ആളുകൾക്ക് അപസ്മാരം, വിഷാദം, ഉത്കണ്ഠ, ശ്രദ്ധക്കുറവ്, ഹൈപ്പർ ആക്റ്റിവിറ്റി ഡിസോർഡർ എന്നിവയുൾപ്പെടെയുള്ള പ്രശ്നങ്ങളും ഉണ്ടാകാം.
